Zbardhet dëshmia e deputetit të PS Armando Prenga dhënë në polici lidhur me ngjarjen në Laç ku për shkaqe pronësie mbetën të plagosur 7 persona, mes tyre dhe vëllai i deputetit.
Para prokurorëve deputeti Prenga ka rrëfyer versionin e tij lidhur me ngjarjen në Laç. Ai është shprehur se ka qenë Gjon Çali ai që i ka zënë pritë dhe e ka kërcënuar. Në këtë situatë ai u ka treguar prokurorivë se ka reaguar duke qëlluar në ajër. “Po udhëtoja nga Patoku në Laç kur Gjon Çali më zuri pritë. Ai më kërcënoi me armë kurse unë qëllova në ajër. Më pas dërgova vëllain për të bërë denoncimin dhe vetë u nisa për në lokalin e Calëve”, – mësohet të jetë shprehur deputeti.
Deputeti socialist e ka quajtur të paligjshëm ndalimin e tij ndërsa ka kërkuar edhe lirimin.
“Jam ndaluar nga policia në Spitalin e Traumës. Ndalimi im është i paligjshëm, kërkoj të lirohem.” është shprehur deputeti
