Në emisionin “Të Paekspozuarit” u publikua transkripti i bisedës telefonike mes Alma K., vajzës që regjistroi videon e skandalit erotik në zyrën e ish-kryebashkiakut të Kukësit, Safet Gjici më 6 qershor dhe një personi që ka shtënë në dorë kartën e memories së regjistrimit. Sipas ish-prokurorit të krimeve të Rënda, Eugen Beci, kjo pjesë e bisedës është indicie për të thirrur personat që implikohen në bisedë për të sqaruar rrethanat e kryerjes së veprës së mundshme penale, që në këtë rast dyshohet se është shtrëngim me anë të kanosjes, apo më thjesht gjobëvënie.
“Neni 109/b i Kodit Penal këto situata nuk i ka specifike të parashikuara juridikisht si vepra penale, por vepra më e përafërt që përdoret rëndom quhet gjobëvënie, për asye jo vetëm të pagesave, por edhe për interesa të tjera, ku thuhet se “Shtrëngimi me anë të kanosjes, dhunës, të kryerjes, apo moskryerjes pëer të përfituara padrejtësisht pasuri apo çdo lloj përfitimi tjetër për vete ose për të tretë dënohet nga 2-8 vjet”.
Në rast se Prokuroria e Posaçme ka në dorë reregjistrimin e vërtetë të kësaj bisede që ju thoni, kjo është indicie për të thirrur personat dhe për të sqaruar rrethanat e kryerjes së veprës penale të rastit konkret shtrëngimit me anë të kanosjes, apo më thjesht gjobëvënie. Në këtë prizëm kjo është një dritare e re për të kryer hetime të plota të cilat do të duhet të justifikojnë atë pjesë të dytë të pazëllit të dosjes penale. Pjesa e parë është korrupsioni dhe prevalon e drejta e publikut për të patur interes në lidhje me zyrtarët për detyrat që ata bëjnë. Kjo është pjesa e dytë për ndërhyrje në jetën private dhe të shtrëngimit për të dhënë favore tyë padrejta”-tha Beci.
/a.r
