(Update) Tensioni politik në Maqedoni nuk ka ndërmend që të ulet, teksa ditën e sotme lideri i opozitës Zoran Zaev Ka publikuar “bombën” e radhës së përgjimeve. Sipas Zaev, përgjimet do të vazhdojnë të publikohen për të treguar se në cilën mënyrë ka funksionuar koalicioni ndërmjet VMRO-së dhe BDI së Ali Ahmetit.
Zaev theksoi se në biseda dëgjohet për blerjen e një automjeti me vlerë 600 mijë euro. Ndërsa sa i përket dorëheqjeve të kabinetit qeveritar, lideri i opozitës u shpreh se ato janë dëshmi se përgjimet e publikuara janë të vërteta.
Dorëheqjet e Jankullovskës, Janakievskit dhe Mijallkovit vetëm e dëshmuan atë që është e qartë për tërë opinionin në Maqedoni se atë që e kemi prezantuar është e vërtetë dhe e vetme. Gjithçka u vërtetua me këto dorëheqje. Nuk është koha për triumfalizëm. Dorëheqja e bashkëpunëtorëve më të afërt të Gruevskit nuk është qëllimi final, por kthimi i demokracisë dhe lirisë, ndërsa që ajo të ndodhë e nevojshme është dorëheqja e Nikolla Gruevskit, deklaroi lideri i LSDM-së Zaev në konferencën e sotme duke e publikuar bombën më të re. Duke e patur parasysh situatën e përgjithshme në vend me kujdes do të prezantojmë fakte të reja. Opinioni do të dëgjojë se si ka funksionuar koalicioni ndërmjet VMRO-së dhe BDI-së dhe kush ka porositur mercedes në vlerë prej 600 mijë euro”, tha Zaev.
Ndër të t jera në një bisedë telefonike mes sekretarit të përgjithshëm të qeverisë së Maqedonisë, Kiril Bozhinovski dhe drejtorit të ELEM-it, Vlatko Cingovski dëgjohet se disa firma të caktuara të cilët marrin tendera nga shteti duhet të paguajnë biletat e aeroplanëve për votuesit maqedonas të cilët jetojnë përkohësishtë nëpër vendet e ndryshme të botës. Me këtë sponsorët duhet të ndihmojnë që sa më shumë votues maqedonas të vijnë ngë Evropa dhe të votojnë për partinë VMRO-DPMNE.
Zaev shpërthen sot “bombën” e radhës
Lideri i opozitës, partisë LSDM Zoran Zaev do të publikojë sot “bombën” e radhës së përgjimeve që posedon.
Lajmi konfirmohet nga mediat maqedonase sipas të cilave, edhe pse nuk dihet se për çfarë ka të bëjë “bomba” e radhës ajo pritet të rrisë edhe më tej tensionin që ekziston aktualisht në Maqedoni.
Kjo edhe pas aksionit policor në Kumanovë ku 22 persona humbën jetën.
