Gazetarja e njohur Rudina Xhunga teksa ka komentuar manifestin e presidentit Ilir Meta që mbajti dje në Bulevardin ‘Dëshmorët e Kombit’, në mbrojtje të Kushtetutës dhe kundër atij që ai e cilëson grusht shteti, deklaroi se kryelajm u bë flamuri amerikan.
E ftuar në rubrikën e përjavshme ‘Opinion’ në ‘News24 Xhunga pohoi se në manifest kishte pjesëmarrje masive të qytetarëve, por sipas saj përdorimi i flamurit të SHBA-ve ishte i paqartë dhe se ambasada Amerikane u distancua nga ky veprim i Metës.
“Nuk isha duke e ndjekur gjithë kohës manifestin. Se kështu, kur ka protesta, e di ça ndodh në portale?! Njerëzit nisin e komentojnë. Ku e vure dronin? Pse shikoni kaq pak njerëz? E duke ndjekur komentet, më vjen të qesh. Kishte njerëz në protestë, se gënjejmë dot njëri-tjetrin. Ka njerëz të pakënaqur në këtë vend që ngrihen dhe flasin. Se kush i përfaqëson është gjë tjetër! Nëse do i përfaqësonte dikush tjetër, ndoshta do kishte më shumë. Vura re më pas se nuk u mor njeri me çfarë ndodhi në protestë, por me flamurin amerikan. Ai u kthye kryelajm. Nuk ishte lajm protesta e presidentit. Pasi është e pazakontë. Pa bërë asgjë në fund të protestës, Meta u premtoi njerëzve se deri në 15 mars ka afat për të bërë diçka. Mund të ndalesh tek pjesëmarrja masive e LSI, e PD, apo dhe të njerëzve që nuk kanë parti dhe shkojnë e kundërshtojnë Ramën. Por u morën me flamurin amerikan. Ambasada amerikane paralajmëroi qytetarët e saj më pas i dha ‘goditjen’ simbolike, se pse u përdor ky flamur. Unë se kuptova se pse ishte flamuri amerikan pas tij. Ai do i duhej të përdorte flamurin tonë. Në këtë protestë, s’janë mediat pro qeveritare që po merren me flamurin por është faji i Metës që përdori atë. SHBA se pëlqeu përdorimin e flamurit. Ishte si një distancim nga qëndrimi Metës. Është e qartë. Ambasadorja ka një mënyrë tjetër më shprehëse, është e njëjtë me ambasadorët e tjerë, por reagon ku reagon më shpejt në rrjete sociale. Ambasadorja e re amerikane ka një stil modern të reagimit, ajo u distancua nga protesta. Se pse e bëri, ajo duhet ta shpjegojë vetë. Në simbolikën e gjësë doli dhe lajmi për hapjen e negociatave. Më pas doli kryeministri që foli për rrogën minimale për ata që punojnë në ndërtim. Ndaj u krijua një skenografi e mbështetur nga ndërkombëtarët se “ishte e panevojshme që të shkohej në protestë”. Ky vend prodhon lajmin. Ndërkombëtarët e mbajtën qëndrimin e tyre.”, tha Xhunga.
Ndërkohë, pyetjes nëse ishte e drejtë që Meta të thërriste qytetarët në manifest, Rudina Xhunga tha: “Edhe unë po të dal në shesh e të mbledh njerëzit, kam të drejtë. Mjafton që të marr leje. Të organizojë një protestë për gratë. Por a ja vlen që t’i mbledh unë në protestë?! Kush jam unë që të ftoj zonjat e këtij vendi dhe pse e di që do mbledh shumë, por çfarë do arrijë me këtë mënyrë grumbullimi?! KJo është çështja.”, pohoi gazetarja.
E pyetur nëse është Meta apo Basha lideri i opozitës, Xhunga u përgjigj në ‘News24 se Basha është lideri real i opozitës. Çështja sipas Xhungës është se çfarë opozite ka zgjedhur që të bëjë Basha.
“Basha është lideri real i opozitës ose lideri faktik. Ka zgjedhur këtë lloj opozite. E njoh Zotin Basha, i tillë ka qenë që në nisje. U zgjodh për të qenë i tillë, nuk u zgjodh që të këndonte himnin. Z. Basha ka qenë një personazh i butë. Unë e kam intervistuar zotin Basha që kur erdhi si personazh i KOP-it. Mua më bëri përshtypje, nuk më bëri përshtypje Majlinda Bregu pavarësisht se e kam njohur por dhe e shpreha publikisht se kisha për ta intervistuar sërish pasi ai do të ishte gjatë në politikë.
Mënyra që po sillet tani është ajo që sillet gjithmonë. Nëse Basha do drejtojë opozitën apo do e drejtojë Meta, kjo nuk varet nga Meta, varet nga numrat. Numrat i kanë zoti Basha dhe zoti Berisha.”, përfundoi Xhunga.
