Aventura e tij në Shqipëri ishte e shkurtër, ndërsa edhe fundi I saj nuk ishte aspak i këndshëm. Pavarësisht kësaj, Ze Maria nuk e ka harruar këtë eksperiencë, që siç thotë ai i ka ngelur në zemër. Ish-trajneri brazilian i Tiranës e ka konfirmuar këtë me postimin në rrjetet sociale, ku përveç solidarizimit pas tërmetit tragjik të 26 nëntorit ka bërë edhe një koment prekës.
“Me të vërtetë shumë i trishtuar për atë që ka ndodhur në Shqipëri… Një vend fantastik me njerëz të shkëlqyer. Nga larg nuk mund të bëj gjë tjetër veçse të lutem dhe t’i kërkoj Zotit që të mos ketë më viktima. Ishte vërtetë shumë e rëndë kjo tragjedi, por shqiptarët janë njerëz që janë mësuar të luftojnë dhe do të dalin më të fortë! Lutem për ju, keni një vend në zemrën time”, lexohet në komentin e Ze Maria në llogarinë e tij zyrtare në “Instagram”.
