Jahti i biznesmenit shqiptar Qazim Osmani është bërë shtëpi e preferuar e pushimeve veriore për yjet serbe të muzikës e filmit.
Në dy ditët e fundit, me Feliksin, në qytetin bregdetar të Poreqit të Kroacisë janë parë fytyra të njohura të shoëbizit nga Beogradi. Dhe atë, jo vetëm femra serbe, për shoëqrinë e të cilave është i njohur ai.
Dy ditë më parë, në jahtin e Osmanit është parë këngëtari i famshëm i folk muzikës serbe, Xhej Ramadanovski.
Pas tij, në jahtin e Feliksit, pritet të kalojnë pushime të këndshme edhe këngëtarja e njohur serbe, Ana Bekuta dhe i dashuri i saj, Milutin Mrkonjiç, ish-ministër i qeverisë së Serbisë.
Ata kanë pranuar ftesën e biznesmenit kosovar, që një pjesë të mirë të verës ta kalojnë me të, në bregdetin malazias.
Dy muaj më parë, Bekuta ka thënë, me shaka, se Mrkonjiç ia ka ndaluar Feliksit ta josh atë, sikur bën me shumë këngëtare tjera serbe.
Këngëtarja dhe politikani kanë mohuar ta kenë njohur Osmanin, para se ta takojnë atë në një ndejë të organizuar prej këngëtarit Shaban Shauliç.
Por, mediet serbe raportojnë se ishte ish-ministri serb, Mrkonjiç që shumë kohë më parë e kishte dërguan shqiptarin për ta parë shtëpinë e Slobodan Milosheviçit, për të cilën ky, sic thuhet, ka pyetur nëse është në shitje ose jo.
