Kryetari i Bashkisë së Kamzës, Xhelal Mziu, i njohur për një sërë “bëmash” në ndërtimin dhe emërtimin e rrugëve ka sjellë një analizë profesionale për zgjedhjet në Kamëz.
Mziu shtjellon si argument investimet dhe thotë se Kamza është gjerdani i artë i Partisë Demokratike.
Veç të tjerash kryebashkiaku njihet edhe për ndërtimin e bulevardit prej 500 metrash të cilit i vendosi emrin “Donald Trump”.
KAMZA, GJERDANI I ARTË I PARTISË DEMOKRATIKE NË SHQIPËRI
Fitorja e thellë dhe e vyer e Partisë Demokratike Kamëz ndaj koalicionit qeveritar e më gjerë vijon traditën e këtij qyteti, i cili edhe këtë radhë zgjodhi vlerat e demokracisë dhe dinjitetit dhe jo ato financiare. Kamza edhe këtë herë injoroi presionin qeveritar, diskriminimin e pushtetit, duke zgjedhur të jetë i lirë në zgjedhjen e vet.
Puna e strukturave politike të PD Kamëz, shoqëruar me investimet dhe shërbimet e Bashkisë bënë që Kamza të jetë gjerdani i artë i Partisë Demokratike në Shqipëri.
Mirënjohje për çdo qytetar për këtë fitore të radhës të Partisë Demokratike Kamëz!
a.ç
