Një 31-vjeçar shqiptar u ekzekutua me dy plumba të martën në një kafene në Saint-Denis në Forest.
Mediat belge shkruajnë se bëhet fjalë për një 31-vjeçar me origjinë shqiptare, i njohur si Niko K, i cili u vra nga persona ende të paidentikuar nga Policia.
Mësohet se i riu shqiptar, emri i vërtetë i të cilit është Kreshnik Gjini, punonte si kamarier në lokalin ku ndodhi vrasja.
Në momentin e ngjarjes ai ka qenë në kërkim të mjetit të parkuar në Forest Abbey, i cili ndodhej pak metra larg kafes ku ai punonte si kamarier.
Ngjarja e rëndë ndodhi rreth orës 00:30 të mëngjesit të së martës, ku ai bashkë me kolegen e tij të punës, po shkonin drejt makinës.
Mediat raportojnë se autoritetet belge kanë shpallur në kërkim dy persona.
“Viktima vdiq në vend, pas dy të shtënave që ai mori”, ka deklaruar zëdhënësi i zyrës së prokurorit publik të Brukselit, Ine Van Wymersche.
Dëshmitarët nga vendngjarja thonë se dy personat që qëlluan me armë ishin të maskuar, dhe u larguan në drejtim të pyllit.
Sakaq, hetimet janë përqëndruar tek pista e hakmarrjes nga shqiptarë të tjerë.
E dashura e Gjinit, Cristina, u jep hetuesve një pistë për vrasjen e të riut shqiptar, duke thënë se një nga xhaxhallarët e tij, pak më i madh se Kreshniku, u vra një vit më parë në Shqipëri. “Prej një viti, ai ndihej i kërcënuar”, tha ajo./a.m.
