Granit Xhaka, i cili muaj më parë u emërua kapiten i Borussia Moenchengladbachut, ka bërë një gjest të madh. 23-vjeçari vullnetarisht ka kthyer shiritin e kapitenit te lojtari që para tij ishte kapiten, por së fundi ishte i lënduar, ka shkruar të hënën gazeta zvicerane “Blick”.
“Mua më është realizuar ëndrra”, ka thënë Xhaka, duke kujtuar se në ndeshjen e parë si kapiten, Gladbachu ka fituar 4:2 kundër Augsburgut (23 shtator, 2015), përcjell Koha Ditore.
Prej ndeshjes me Augsburgun, Xhaka ka udhëhequr skuadrën e Gladbachut në fushë, duke marrë përgjegjësinë mbi supet dhe gjithashtu ka motivuar bashkëlojtarët para, gjatë dhe pas ndeshjes. Madje, ka pasur raste kur Xhaka është treguar edhe gjaknxehtë, siç ishte humbja 5:0 nga Bayer Leverkuseni. Mirëpo, me të filluar pjesa e dytë në Bundesligë, e cila nis në fund të këtij muaji, Xhaka më nuk do t’i ketë këto përgjegjësi. Ai tashmë ia ka kthyer shiritin e kapitenit qendërmbrojtësit 35-vjeçar, Martin Stranzl, që ishte paraardhës i Xhakës…
