Ministri i Brendshëm Fatmir Xhafaj ka zhvilluar një vizitë blic në komisariatin e Lushnjes, disa ditë pas masakrës me 2 të vdekur dhe 2 të plagosur në këtë qytet. Në takim ishte i pranishëm edhe Drejtori i Përgjithshëm i Policisë Haki Çako si dhe strukturat kundër krimeve.
Mësohet se Xhafaj u është drejtuar me tone të ashpra drejtuesve të policisë pas ngjarjes ku u vranë 2 persona. Ai ka kërkuar reagim të shpejtë nga ana e uniformave blu për prangosjen e autorëve të krimit që riktheu terrorin e ’97-ës në qytet.
Po ashtu, Xhafaj ka kërkuar reagim të fortë ndaj bandave kriminale në qytet, dhe çuarjen para drejtësisë të kokave të grupimeve kriminale.
Mësohet se ministri i ka dhënë mbështetje të drejtpërdrejtë shërbimeve policore të angazhuara prej disa ditesh në këtë qytet me mision goditjen e “kokave të krimit”. Ai ka paralajmëruar masa të ashpra për punonjës policie që kanë toleruar apo bashkëpunuar me grupet kriminale./a.m.
Duhej kjo dore e fuqishme ne strukturat e policise se shtetit ne menyre qe ta cojne ne rrugen e duhur punen e policise.Deri tani jemi mesuar vetem me krime e punonjes te paafte por kjo gje do te ndryshoje me gjithe punen qe po vem re aktualisht nga ministria.