Ministri i Brendshëm Fatmir Xhafaj ka hedhur poshtë në mënyrë energjike deklaratat e kryetarit të PD, Lulzim Basha, në qendër të cilave ishin sulmet ndaj policisë duke e etiketuar atë të lidhur me krimin.
Sipas Xhafajt, synimi i Bashës me këto sulme të egra kërkon që të nxijë realitetin.
“Kemi ulur në nivel minimal kultivimin e narkotikëve. Shqipëria do të dalë nga harta e vendeve të drogës. Fakte kriminale në Elbasan datojnë që nga 2005, 2007, 2009, 2015, 2017. Ka shtetas që janë marrë të panedehur, por janë liruar nga drejtësia e kalbur. Qasja jo profesionale ka ndikuar në ngjarjet kriminale në Elbasan. Janë reagime në rritje ndaj operacioneve të policisë kundër krimit në Qarkun e Elbasanit. Eshtë një grup nga policia e shtetit që po analizon të gjithë situatën në Elbasan të dy grupeve kriminale në këtë qark, Çapaj dhe Çela. Prokuroria po bën hetime intensive së bashku me Policinë e Shtetit. Do të ketë analizë shumë të thellë. Ka përgjegjësi dhe për daljen në publik të materialeve sekrete hetimore. I kam kërkuar prokurorisë që të hetojë këtë rrjedhje informacioni nga strukturat shtetërore. Brenda policisë ka individë dhe struktura të paafta madje dhe të inkriminuara. Me partnerët ndërkombnëtarë po bëjmë vetting-un për të gjithë policinë. Do goditen grupet kriminale dhe bazat e tyre kriminale ekonomike shumë më e fortë se deri më tani”, deklaroi Xhafaj.
ma.me/javanews.al
