Pas deklaratës së Berishës se Edi Rama ka vendosur që emërimin e gjyqtarëve dhe prokurorëve t’ja lërë në dorë të huajve, ka reaguar kryetari i Komisionit të Posaçëm Fatmir Xhafaj, i cili tha se kjo është një gësnjeshtër e madhe.
Fillimisht Xhafaj ka treguar dokumentat e vetë PD-së, në kohën kur ishte ajo që kërkonte që ndërkombëtarët të kishin një rol të fortë në vetingun e isntitucioneve.
Kreu i komisionit të reformës shtoi se në të vërtetë të huajt nuk do të emërojnë asnjë gjyqtar, por thjesht do të jenë të pranishëm në vlerësimin e atyre komisioneve që do të emërojnë kandidaturat të cilat më pas do të kalojnë në parlament.
Xhafaj i ka kthyer përgjigje edhe kreut të grupit parlamentar të LSI-së Vasili, i cili kritikoi pak më parë pozicionin e qeverisë në lidhje me këtë çështje, kur tha se shqipëria nuk është republikë ekspertësh por republikë parlamentare.
“Kur e dëgjoj zotërinë që flet këtu, nuk kam më asnjë emocion, o thjesht se vetëm koha e tij ka mbaruar por mesa shoh edhe mendja e tij ka mbaruar.
E dëgjova që foli për grupin e ekspertëve, që kjo është republikë parlamentare dhe jo republikë ekspertësh siç tha dikush tjetër, por mjerë ai parlamentit, që e ndërton kushtetutën, ligjin, mbi banalitetet, mbi batutat, mbi paligjshmërinë e politikanëve. Republikat e forta parlamentare janë ato që punojmë me ekspertët, ata që vlerësojnë para së gjithash ekspertët.
Përsa i përket këtij grupi të ekspertëve unë jam i nderuar që ata kanë punuar me ne, por edhe vetë komisioni i Venecias, që ju e përmendni shumë shpesh.
Mos harroni që ata ekspertë janë profesora në këtë vend, me librat e atyre punohet në këtë vend, dhe është Komisioni i Venecias ai që ka dhënë posaçërisht këto konkluzione.
Në raportine opinionit final thuhet se komisioni përgëzon ekpsertët për punën që ata kanë bërë.
Edhe veten tuaj nuk respektoni. Po ju vetë e keni kërkuar që të bëhet vetingu nga ndërkombëtarët. Ju vetë e thoni në këtë dokument që e kam këtu, thoni:
Reforma në drejtësi zgjidhje për një sistem drejtësi të pavarur
Është përmirësuar ndjeshëm procesi i vlerësimit të prokurorëve dhe gjyqtarëve shkruani ju. Pastaj shtoni:
Problematika që mbeten për zgjidhje
Thoni, cështja e moskapjes së sistemit politik, dhe thoni ju, vetingun përpara nisjes së organit të hetimit, e bëjnë ndërkombëtarët, e keni shkrua ju këtu, e keni bërë ju, dhe ne këtë e kthyem në formulë… dhe tani e mohoni.
Por cfarë kërkuam ne? Që ndërkombëtarët do emërojnë gjyqtarët? Gënjeshtër më të madhe nuk ka! Ka vetëm një gjë, mbi rolin e ndërkombëtarëve mbi procesin e vlerësimit të atyre që do të bëjnë vetingun. Dhe aty nuk janë në rolin vendimmarrës, dhe aty ata kanë vetëm një rol procedurial, vendos kuvendi në fund fare.”- tha Xhafaj./java/a.k
