Ministrja e Mbrojtjes Olta Xhaçka vizitoi në Korçë banorët e prekur nga tërmeti i ditëve të fundit.
Xhaçka i ka siguruar banorët se shtëpitë e të gjithëve që janë prekur nga tërmeti do të rregullohen, por ka kërkuar që të bëjnë durim.
Ajo ka qenë e shoqëruar nga ish- kryebashkiaku Niko Peleshi dhe kryetari aktual, Sotiraq Filo.
“Do ju ndihmojmë të rimëkëmbim çdo gjë që keni humbur. Këto janë ditë të vështira, por ne do bëjmë maksimumin. Në mënyrë sa më të shpejtë do përpiqemi t’ju dëmshpërblejmë. Të gjithë shtëpitë do të rregullohen. Bëni vetëm pak durim, sepse këto janë ditë të vështira”, u shpreh Xhaçka.
Më tej ministrja gjatë takimit me banorët theksoi se një zotim dua ta bëj, edhe në emër të qeverisë dhe të kryeministrit i cili nesër do të vijë vetë.
“Ne do të ngremë çdo shtëpi që është shembur dhe do të dëmshpërblejmë cdo banesë të dëmtuar për të rikthyer normalitetin në këto komunitete. Kjo fatkeqësi na ndodhi edhe për Bajram. Zoti i ka sytë këtu dhe nuk ka sesi mos i kemi dhe ne, vëmendja jonë është tek këta banorë deri në rimëkëmbjen e plotë të tyre”, tha ajo.
Ndërkohënjë ditë më parë, kryeministri Edi Rama njoftoi se të gjitha banesat do të rindërtohen. Kreu i qeverisë deklaroi se pas inventarit të dëmeve do të nisë dëmshpërblimi dhe rindërtimi i banesave.
g.kosovari
