Aplikacioni i komunikimit “WhatsApp” sjell një lajm të mirë për përdoruesit e saj në këtë ditë karantinë, ku njofton se shumë shpejt do të mund të bëjnë telefonatë në një grup me 8 pjesëmarrës.
Programi ka rritur numrin e pjesëmarrësve në një thirrje në grup, me video dhe audio.
Kjo veçori nuk është ende e aksesueshme, por pas testimit, kompania do ta vendosë në funksion të iOS dhe Android.
Që kjo të jetë e realizueshme, të gjithë pjesëmarrësit duhet të kenë versionin e fundit të “WhatsApp”.
Me shtimin e më shumë pjesëmarrësve, “WhatsApp” po kërkon të konkurrojë aplikacione të tjera si Zoom dhe Google Meet.
