Federata e Futbollit të Anglisë (FA) pritet ta emërojë Gareth Southgate në postin e selektorit të përkohshëm, por do të kontaktojë me Arsene Wenger e Brendan Rodgers në kërkim të pasardhësit afatgjatë të Roy Hodgson, ka bërë të ditur e përditshmja britanike “The Guardian”.
Anglia është në kërkim të një selektori të ri pas dorëheqjes së Roy Hodgson pas humbjes së befasishme 2:1 nga Islanda në rrethin e dytë të “Euro 2016”.
Wenger është objektivi kryesor i FA.
Menaxheri i Arsenalit do të hyjë në vitin e fundit të kontratës me ekipin nga Emirates Stadium.
Andaj, zyrtarë të FA besojnë se mund ta bindin që të drejtojë ekipin në Kampionatin botëror në Rusi.
Kurse, Southgate do të ishte selektor deri në kohën kur Wenger do ta përfundojë aventurën e tij të gjatë me Arsenalin, para se të angazhohet në drejtim të Kombëtares angleze, citohet Zëri. (b.an)