Trupat e SAS, forcat speciale të ushtrisë britanike, do të futen mes turmës së tifozëve në “Wembley” në ndeshjet e sotme, me urdhërin për të qëlluar pa paralajmërim nëse shohin ndonjë kërcënim terrorist.
Burime të rëndësishme kanë bërë të ditur se forca të armatosura rëndë do të jenë në gatishmëri, në ndihmë të policisë, gjithashtu të armatosur.
Në stadium, për miqësoren kundër Francës, do të jetë Princi William, trashëgimtar i fronit.
Masat ekstra janë marrë pasi një deputet musliman deklaroi se në rrugët e Britanisë mund të ketë 600 xhihadistë të kthyer nga luftimet në Siri.
Laburisti Khalid Mahmood tha se “janë shumë më tepër njerëz nga sa thotë qeveria që kanë shkuar atje, dy deri në tre mijë, dhe 600 janë kthyer”.
