Për arrestimin e liderit të Aleancës për Ardhmërinë e Kosovës, Ramush Haradinaj, ka reaguar edhe lideri i Vetëvendosjes, Visar Ymeri.Haradinaj orë më parë është ndaluar në Bazel me urdhërarrest nga Serbia.
Ymeri e ka quajtur të papranueshëm arrestimin e Haradinajt, duke thënë se është Serbia ajo që dueht të ndryshojë dhe jo Kosova siç po kërkohet për normalizim marrëdhëniesh.
Ai ka kërkuar urgjentisht lirimin e Haradinajt, por edhe marrjen e masave kushtëzuese nga institucionet deri në heqjen e të gjithë arresteve ndërkombëtare për ndjekjen e ish-luftëtarëve të UÇK-së.
“Arrestimi i Ramush Haradinajt me fletarrest të lëshuar nga Serbia është i papranueshëm! Ne e dimë që Serbia nuk është pajtuar me luftën tonë çlirimtare, por shtetet që na e kanë njohur shtetin (prandaj edhe vërtetësinë e luftës) nuk duhet ta ndjekin politikën e saj përndjekëse. Ky rast tregon edhe një herë që për të pasur normalizim marrëdhëniesh, është Serbia që duhet të ndryshojë, dhe jo Kosova siç po kërkohet.
Kërkojmë urgjentisht lirimin e z.Haradinajt, por edhe ndërmarrjen e masave kushtëzuese nga ana e intitucioneve tona deri në heqjen e të gjitha arresteve ndërkombëtare që kanë për qëllim përndjekjen e ish luftëtarëve të UÇK-së.
Është e qartë që përkëdhelja e Serbisë po e bën atë më të keqe.
Dialogu me të, tregtia me të, koncesionet ndaj saj, paratë që po ia japim, po e forcojnë armikun tonë, Serbinë, për t’ia bërë më të fuqishme goditjen ndaj nesh. Këto duhen ndalur urgjentisht”, ka shkruar Ymeri në Facebook, përgatiti Koha. (b.an)
