Kryeministri i Serbisë, Aleksadar Vuçiç, gjatë një fjalimi në Asamblenë e Përgjithshme të Kombeve të Bashkuara, ka deklaruar që shteti i tij refuzon të njohë pavarësinë e Kosovës, dhe është i vendosur në gjetjen e një zgjidhje politike përmes dialogut të ndërmjetësuar nga Bashkimi Evropian.
Ai ka deklaruar se Kosova po përballet me problemin luftërave të huaja, përcjell transmetuesi publik.
Ai ka shtuar se krahasuar me popullatën Kosova ka më së shumti ushtarë në radhët e të ashtuquajturit Shteti Islamik dhe Levant.
Vuçiç gjatë fjalimit kërkoi kthimin e personave të zhvendosur gjatë luftës duke theksuar që janë rreth 204,000 persona të zhvendosur nëpër Serbi.
Lidhur me dialogun në mes të Beogradit dhe Prishtinës, ai e cilësoi si të nevojshëm për të mbajtur stabilitetin në rajon dhe për të rregulluar marrëdhëniet në mes të këtyre dy shteteve, citohet Koha. (b.an)
Ka shumë fakte të cilat e demantojnë, si Kryeministrin e Serbisë, Aleksandër Vuçiç (ish ministrin në qeverinë serbo-madhe të fashistit, Sllobodan Millosheviq, ashtu edhe mujsharët e “pa” anshëm ndërkombëtar, që qëndrojnë pas tij, pse jo edhe drejtuesit e OKB, që e paskan ftuar dhe që e përcjellin me duartrokitje fjalimin e tij të bazuar në propagandën hegjemoniste serbomadhe.
Në këtë drejtim, e konsideroj të mjaftueshme që të bëhet,krahasimi i të dhënave që dalin nga regjistrimi i popullsisë edhe në Kosovë, në njëzetë vitet e fundit të shekullit të kaluar, me rezultatet e regjistrimit të mbajtur në Kosovë në prill të vitit 2011, nga ku do të shihet qartë, se përqindja e serbëve që jetojnë në Kosovë shënon jo ulje, por rritje ( 3.55%). Pra, del se përqindja e pakicës serbe është më e lartë, se përqindja e krejt minoriteteve tjera, që jetonin në Kosovë, para se t’i hiqej autonomia nga organet e dhunshme të Serbisë!
Gjithashtu, duke u shërbye me shkallën e shtimit të popullatës, sipas përkatësive kombëtare në Kosovë, në tridhjetë vjetët e fundit, nuk mund t’i shmangësh konstatimit, se përqindja e shqiptarëve është shumë më e vogël se ajo e para suprimimit të autonomisë. Pse ? Mendoj se përgjigja më e bazuar në këtë pyetje është:
a.Sepse, një numër i madh i shqiptarëve të Kosovës, të të gjitha moshave u vranë nga thundrakët serbo-çetnik të sojit të këtij Vucic-it;
b.Sepse,qindra mijë të rinj shqiptar nga reprezaljet egra që u bëheshin, para lufte, nga arma e qeverisë serbomadhe, ministër i të cilës ishte edhe Vucic, si dhe nga skamja, që i kaploi rreth 75% të popullit të Kosovës, si nga pasojat e shkatërrimeve nga terrori serbo-çetnik, si dhe krimi i organizuar, i përkrahur nga UNMIK-istani, KFOR, EULEX-i, OSBE… nga ”miqtë” ndërkombëtar, u detyruan të emigronin nëpër të gjitha pjesët e Globit.