Kryeministri serb, Aleksandar Vuçiç, i cili po qëndron në Tiranë, ka shprehur qëndrimet e tij në Forumin Ekonomike të Vjenës që po mbahet në Tiranë dhe ku morën pjesë 6 kryeministra të Ballkanit.
Në fjalën e tij Vuçiç tha se është i gatshëm për projekte mes të dyja vendeve. Ai tha se Serbia dhe Shqipëria janë eksportuesit më të mëdhenj dhe me numrin e rinisë me më shumë të papunë. Kjo sipas tij është një problem që duhet rregulluar në të ardhmen.
“I kam propozuar Edit që të firmosim bashkërisht disa projekte të përbashkëta. Sot si Serbi kemi një situatë më të mirë dhe jemi të gatshëm që të investojmë në këto projekte, duke krijuar tregje më të mira, duke krijuar tregje të tjera ku ne ofrjmë produktet tona, dhe kjo është një mundësi për të forcuar ekonomitë tona.Ne inkurajojmë stabilitetin në të gjitha vendet e rajonit, dhe shpresoj që mund të bëjmë shumë më shumë, që edhe kur te jemi anëtar të BE-së, nuk e kemi dëshirën që ne te jemi anëtarët më të varfër aty” u shpreh kryeministri serb.
