Thuajse një javë pas dy takimeve të nivelit të lartë në Bruksel, informoi qytetarët për atë që u bisedua. Kryeministri i Kosovës, Albin Kurti, konfirmoi se në raundin e fundit i dialogut me presidentin e Serbisë, Aleksandër Vuçiç, diskutuan detaje të marrëveshjes përfundimtare dhe se në tryezë ishin 4 propozime për zgjidhjen e krizës së fundit, ndërsa akuzoi Beogradin si një palë që cenon sigurinë kombëtare, rajonale, të SHBA-ve dhe BE-së.
“Për lirinë e lëvizjes – ka ardhur si temë me katër propozime nga ana e BE-së, përkatësisht Lajçakut. Deklarata se ka pasur propozime nga njëra palë dhe gatishmëri për kompromis janë të pavërteta. Ne ende kemi qenë të hapur për diskutime në këtë drejtim, mirëpo nga ndërtesa ka dalë pala tjetër”, tha Kurti.
Kurti sqaroi se ishte dakord për heqjen e plotë të letërnjoftimeve në pikat kufitare mes Kosovës dhe Serbisë për të mundësuar lëvizjen e lirë të qytetarëve, ndërsa për targat dhe se vetëm po zbaton ujdi të nënshkruara nga vetë Vuçiç, fillimisht në vitin 2011 dhe sërish në 2016-ën. Sa i përket marrëveshjes përfundimtare ai listoi 6 kapitujt e propozuara prej tij, duke përfshirë përcaktimin e statusit të raporteve bilaterale, njohjen reciproke dhe anëtarësimin në organizata ndërkombëtare; ballafaqim me të kaluarën, dëmet e luftës, personat e zhdukur; bashkëpunimin në lirinë e kapitalit, njerëzve, mallrave dhe shërbimeve, trajtimi i të drejtave të pakicave respektive; rishqyrtimi I marrëveshjeve të deritanishme; dhe një mekanizëm për zabtimin e ujdive dhe zgjidhjes së mosmarrëveshjeve të mundshme.
“Në vend të ideve pala tjetër kanë nxjerr vetëm konstatime duke bërë të ditur se nuk janë të interesuar për normalizim të plotë, por për hapa të vegjël”, tha Kurti.
Ndërkohë, kryeministri I Kosovës bëri të ditur dhe një ujdi, të cilën ishte I gatshëm ta firmoste.
/e.d
