Ka mbërritur në Samitin Europian të Tiranës edhe presidenti i Serbisë, Aleksandër Vuçiç, i cili ka dhënë një deklaratë të shkurtër për mediat.
Në fjalën e tij ai tha se: “Kam patur bisedime me liderët evropianë, ndër to dhe Kaja Kallas. Mendoj se është një mundësi e mirë për të gjithë ne, për të bërë diçka më shumë, për të sjellë ndryshime”, tha Vuçiç.
Nga ana tjetër ai ka folur për zhvillimet dhe projektet ekonomike që janë në Serbi.
Sonte, Presidenti do të marrë pjesë në një darkë të organizuar nga Presidenti i Këshillit Evropian, Antonio Costa, për pjesëmarrësit e Samitit nga rajoni i Ballkanit Perëndimor dhe Kryeministrin e Polonisë, Donald Tusk, me zyrtarë të Bashkimit Evropian, Presidenten e Komisionit Evropian, Ursula von der Leyen, dhe Përfaqësuesen e Lartë të BE-së për Politikë të Jashtme dhe Siguri dhe Zëvendëspresidenten e Komisionit Evropian, Kaja Kallas.
