Bashkëshortja e aktorit Blerim Pecit, i cili nderroi jete mengjesin e sotem nuk ka fjale te pershkruaje dhimbjen e madhe. Afërdita pas vdekjes së aktorit ka thënë se ky lajm është shumë i rëndë dhe thote se Blerimi do të jetë gjithmonë në zemrat e tyre dhe se ai do t’i ruajë nga lart.
“Te Allahut jem dhe te ai do te kthehemi! Edhe pse….e rende , smundem me pershkru….por , kjo eshte jeta! Gjithmone ne zemrat tona! E di qe do na ruash nga lart! Varrimi i Blerim Pecit behet sot me Aksham ne varrezat e Shipolit ne Mitrovice!”- shkruan Afërdita në FB
Blerimi dhe Afërdita kanë dy fëmijë. Aktori ndërroi jetë në orët e para të mëngjesit, ai vuante nga mëlçia, raporton Express. Familjen Peci e kanë ngushëlluar prijësit e shtetit dhe shumë fytyra të njohura publike.
Bashkëshortja e të ndjerit, Afërdita Sopjani-Peci ka njoftuar përmes një postimi në “Facebook” për festën e ditëlindjes së vajzës së tyre.
“Shumë urime për ty princesha jonë Medina! Të dhashtë Zoti shëndet, lumturi dhe rritje të mbarë me neve! Çdo dëshirë e jotja u bëftë realitet! Të duam shumë! P.S. shumë urime edhe për ty Tuana! Çofsh përherë e lumtur”, thuhet në shkrimin e saj në rrjetin social.
Ngushellimet
Presidenti i Republikës së Kosovës, Hashim Thaçi dhe Ministri i Punëve të Jashtme, Behgjet Pacolli kanë ngushëlluar familjen e aktorit tashmë të ndjerë, Blerim Peci.
Thaçi ka ngushëlluar familjen dhe ka thënë se Kosovës do t’i mungojë humori dhe krijimtaria e tij artistike.
“Me pikëllim mora lajmin për vdekjen e parakohshme të aktorit nga Mitrovica, Blerim Peci. Kosovës do t’i mungojë humori dhe krijimtaria e tij artistike. Ngushëllime familjes Peci dhe gjithë komunitetit të artistëve”, ka shkruar Thaçi në FB, transmeton Express.
Ndërsa, Behgjet Pacolli e ka përshkruar Pecin me fjalët “i madh në vepra”.
“Sapo mora lajmin e hidhur për ndarjen nga jeta të Blerim Pecit. Shumë i ri në moshë. I madh në vepra. Ngushëllimet e mia më të sinqerta familjes dhe miqëve të tij”, ka shkruar Pacolli në FB, transmeton Express.
