Zëvendësministri i Brendshëm i Bolivisë është rrëmbyer dhe vrarë nga minatorët grevistë, ka njoftuar Qeveria boliviane, transmeton KTV. Rodolfo Illanes dhe truproja e tij u kapën të enjten në një postbllok në Panduro, në jug të La Pazit, thanë zyrtarët.
Ministri i Brendshëm, Carlos Romero, ka thënë se ka indikacione se Illanes ishte vrarë në një sulm “frikacak dhe brutal”. Ne jemi në pritje të marrjes së trupit të pajetë, ka thënë Romero. Illanes u rrah për vdekje nga minatorët.
Sipas ministrit të Brendshëm, deri më tani janë bërë më shumë se 100 arrestime. Gjatë kohës sa mbahej nga minatorët, Illanes për radion boliviane tha se një nga kushtet për lirimin e tij, ishte që Qeveria të negociojë me minatorët për legjislacionin e ri. Minatorët kanë bllokuar autostradën në Panduro që nga e marta, cituar nga Koha. (b.an)
