Një gazetare e njohur indiane, kritike ndaj politikës nacionalistë Hindu, është qëlluar për vdekje në Karnataka. Gauri Lankesh është gjetur e shtrirë në pragun e shtëpisë së saj në qytetin Bangalore.
55-vjeçaja është qëlluar me plumb në kokë dhe në gjoks nga persona të armatosur që u larguan me motor. Motivi i krimit nuk është ende i qartë, raporton BBC.
Lankesh ishte kthyer në shtëpi në makinën e saj mbrëmjen e së martës dhe po hapte portën kur sulmuesit e qëlluan atë. Gazetarja vdiq në vendngjarje, tha policia. Zyrtarët u shprehën se ajo ishte nën vëzhgim nga persona të armatosur.
Vrasja e saj ndjek disa vrasje të shekullaristëve apo racionalistëve të shquar gjatë viteve të fundit, duke përfshirë dijetarin Malleshappa Kalburgi, aktivistin Narendra Dabholkar dhe autorit- politikanit Govind Pansare.
Gazetarët indianë janë targetuar gjithnjë e më shumë nga nacionalistët radikalë hinduiste, thonë aktivistët. Në vitet e fundit gazetarët që janë kritik ndaj nacionalistëve janë ofenduar në media sociale, ndërsa shumë gazetare femra janë kërcënuar me përdhunim. Ministrat e partisë që është në pushtet Bharatiya Janata Party (BJP) kanë sulmuar hapur gazetarë duke përdorur emra si “presstitute” (një bashkim i fjalëa shtyp dhe prostitutë) për ti përshkruar.
Gauri Lankesh ishte redaktore në një gazetë javore dhe njihet si një gazetare e patrembur dhe kritike. Ajo ishte e njohur për kritikat ndaj nacionalistëve të krahut të djathtë dhe hindu, përfshirë anëtarët e BJP.
55-vjeçarja ka punuar për The Times of India dhe më pas drejtoi një gazetë të pavarur, Lankesh Patrike, së bashku me vëllain e saj Indrajit për disa vjet. Gazeta ishte themeluar nga babai i saj, P Lankesh, një poet dhe shkrimtar i krahut të majtë. Pasi u nda nga vëllai i saj, nisi të bënte disa publikime, duke përfshirë gazetën e saj Gauri Lankesh Patrike. Kavitha Lankesh ishte motra e saj./a.m.
