Nëna e 25-vjeçarit të vrarë Xhuljano Bullari, ka reaguar pas rrefimit të autorit të dyshuar Bledar Selmanaj, se nuk është ai që e ka ekzekutuar djalin e saj.
Përmes një postimi në facebook, e ëma e viktimës, shkruan se Selmanaj është një skizofren dhe duhet vrarë, madje thotë se është e gatshme ta ekzekutojë me duart e saj.
Sipas saj 39-vjeçari është vrasësi i të birit dhe kjo është e faktuar nga kamerat e sigurisë të cilat e lidhin atë me vendin ku u krye krimi.
Nëna kërkon drejtësi dhe të mos merren për bazë rrëfimet e Selmanajt, ku thotë se Xhuljano Bullarin e vrau një tjetër person me precedentë penal me të cilin viktima kishte ndarë të njëjtën qeli në burg.
“Të mos mbahen me bukë këto skizofrenë. Vriteni plehrën, se më vrau tim bir pa asnjë shkak të vogël. A ka shtet këtu apo jo. Më zien gjaku kur e dëgjoj atë plehrë që trillon për interesat e veta. Jam e gatshme ta mbys me duart e mia.
Po ai nuk i ka bërë mirë llogaritë, se çfarë ka folur herën e parë dhe se ç’po flet tani. Harron që kamerat e rrugës e çojnë deri te vendi që vrau tim bir.
Po nëse ka shtet dhe njerëz që e dinë ç’është dhimbja dhe se sa nëna do të bëjë të vuajnë si unë mbi gjakun e tim biri se ai është injorant duhet të marrë të njëjtin dënim që i dha tim biri”, shkruan nëna e viktimës./m.j
