Karabinierët e Komos kanë arrestuar shqiptarin Jasin Sulo, 30 vjeç si autor të vrasjes së një të riu shqiptar në 30 dhjetor të vitit 2015. Një ditë para ndërrimit të viteve, sipas policisë italiane, Sulo e ka vrarë me një plumb të vetëm bashkëatdhetarin Ermal Abdushi, 26 vjec, rezident në Varese, Vedano Olona. Ngjarja tronditi komunitetin, kur i riu u dërgua rnga një i afërm në spitalin e Tradate në gjendje të rëndë shëndetësore por fatkeqësisht nuk mbijetoi. Ende nuk dihet motivi i vrasjes, por pritet të zbardhet pasi të merret në pyetje Sulo që akuzohet si autor.
