Prokuroria e Milanos mbyll dosjen ndaj argjendarit, i cili vrau shqiptarin që u fut në shtëpinë e tij së bashku me dy persona të tjerë për të grabitur. Sipas prokurorisë argjendari italian ka vrarë në kushtet e vetëmbrojtjes.
Mediat italiane shkurajn se, ai ka qëlluar në drejtim të tre hajduteve që hynë në vilën e tij në Rhône ku i morën peng për një orë e gjysme familjen në këmbim të parave dhe sendeve me vlerë.
Nën trysnin e kërcënimit argjendari shkrepi armën ku gjeti vdekjen Valentin Frrokaj, 37 vjeç, i cili ishte arratisur nga burg në Parma në vitin 2013, ku vuante dënimin me burgim të përjetshëm. Në këtë rast ai ishte kapur nga policia, por kishte arritur që të arratisej për herë të dytë nga burgu i Palermos së bashku me dy bashkëpunëtorët e tij që grabitën tregtarin Rodolfo Corazzo në rrethinat e Milanos.
Ai u kap, por u arratis për të dytën herë nga burgu i Palermos së bashku me dy bashkëpunëtorët, të cilët organizuan dhe tentuan të grabisnin tregtarin Rodolfo Corazzo, shtëpia e të cilit ndodhej në rrethinat e Milanos. Argjendari u kishte dorëzuar grabitësve të gjitha sendet me vlerë, por ata insistonin dhe kërkonin sërish të tjera duke e kërcënuar se do t’i vrisnin vajzën e tij 11-vjeçare, shkruan noa.
Pas kësaj tregtari qëlloi me armën që e mbante me leje në drejtim të grabitësve. Frrokaj u vra, edhe bashkëpunëtorët e tjerë u larguan dhe vijojnë të jenë në kërkim nga policia.
“Vajza ime edhe sot është ende e tronditur dhe e frikësuar në orët e mbrëmjes, por me kohën çdo gjë do të kalojë”, tha argjendari. Corazzo u hetuar për tejkalim në kushtet e vetëmbrojtjes, akuzë për të cilën prokurori kërkoi mbylljen e kësaj çështje, pasi është vërtetuar se vrasja ka ndodhur në kushtet e vetëmbrojtjes./a.k
