Autoritetet britanike kanë kërkuar ndihmë për gjetjen e një personi, i cili kërkohet në Shqipëri për vrasje.
Sipas mediave, bëhet fjalë për shtetasin Arjanit Kondi, i njohur edhe si Arjanit Kondaj, i cili akuzohet në Shqipëri për vrasjen e një personi dhe plagosjen e tre të tjerëve, ngjarja e ndodhur në Vlorë në 20 prill 2017.
Një njoftim i kuq është shpërndarë nga Interpol dhe një urdhër është lëshuar për arrestimin e Kondit nga Gjykata e Magjistraturës në Westminster.
Oficerët besojnë se Kondi mund të jetë në Londër dhe ai ka lidhje me zonat Battersea, South Kensington dhe Croydon. “Kushdo që e njeh atë ose di se ku është vendndodhja e tij kërkohet të kontaktojë policinë përmes numrit 101” bëjnë apel autoritetet.
Publiku këshillohet që të mos i afrohet Kondit nëse ai shihet por të kontaktojë menjëherë policinë.
g.kosovari
