Gjykata ka izoluar në burg shtetasin Çlirim Shaholli, i cili dy ditë më parë vrau bashkëshorten e tij Ardjana Shaholli 40-vjeçe. Gjykata caktoi ndaj tij masën e sigurisë “arrest në burg”.
42-vjeçari akuzohet për “vrasje me dashje në rrethana cilësuese”.”Sherri nisi, pasi i thashë se më tradhtonte me pronarin e firmës”, ka thënë 42-vjeçari në gjykatë.
Ngjarja e rëndë ndodhi dy ditë më parë në Durrës.
Në debat e sipër, Shaholli shtyu me forcë gruan, nënë e gjashtë fëmijëve, e cila mori dëmtim të rëndë në kokë. Pas disa orësh ajo ndërroi jetë në spital.
Në gjykatë ai ka shprehur pendesë për veprimin, duke u kërkuar falje gjashtë fëmijëve të tij. “E shtyva dhe kur ra në tokë ia përplasa kokën në dysheme disa herë”, ka thënë në sallën e gjyqit 43-vjeçari Shaholli nga Maliqi i Korçës e me banim në Durrës. Në seancën ku mori masën arrest me burg, ai nuk kishte asnjë familjar të tijin.
Mbrëmjen e së premtes Adriana Shaholli 42 vjeçe, nënë e një djali dhe 5 vajzave gjeti vdekjen në spital nga plagët e marra në kokë si pasojë e dhunës së ushtruar nga bashkëshorti, një i papunë dhe përdorues i rregullt i alkoolit që për shkak të xhelozisë së sëmurë i kërkonte viktimës dhe të braktiste punën e të qëndronte mbyllur në shtëpi pavarësisht se ishte e vetmja që siguronte të ardhura për familjen nga puna e gjetur vetëm pak muaj më parë.
/a.m.
