Gjykata per Krimet e Rënda ka caktuar masën e sigurisë “arrest ne burg” për Kasem Lilen, autori i vrasjes së gruas dhe plagosjes së kunatës në Ndroq.
Autori ka qenë i pranishëm në sallën e gjyqit dhe është jusrtifikuar para trupit jukues për krimin e kryer.
Ai e ka argumentuar gjithë sa ndodhi me problemet ekonomike.
“Kisha konflikte me gruan per shkak te veshtiresive financiare. Kam marre 15 vjet kemp invaliditeti. Kete vit shteti ma nderpreu”- ka thënë ai shkruan Panorama. Nga sa ka treguar para trupit gjukes, ai ka thënë se nuk e ka pasur të qartë se kush ka qenë viktima. Pasi ka hapur zjarr ka tentuar të vrase veten, por e kane ndaluar.
Ai qëlloi mbi gruan e tij, Afize Lila, 41 vjeçe dhe plagosi Zyra Lila, 56 vjeçe. Autori u prangos vetëm pak pas krimit.
Para policisë, autori ka pranuar para policisë autorësinë e krimit, duke treguar se nuk kishte dashur ta vriste të shoqen.
“Nuk e di se si u bëra për një moment. Po debatonim, por ja që e bëra”, ka rrëfyer Kasem Lila para hetuesve të çështjes, teksa herë pas here kapte kokën me duar.
E plagosura ka marrë një plagë në shpatull dhe aktualisht ndodhet jashtë rrezikut për jetën. Policia ka marrë në pyetje edhe vëllain e autorit dhe disa familjarë të tyre.
Mësohet se Lila sapo ishte operuar nga një tumor në tru dhe sapo i kishin ndërprerë KEMP-in. Ai kishte tre javë që nuk kurohej për depresion dhe se ishte bërë shumë nervoz./a.m.
