Gjykata e Shkodrës ka vendosur masën e sigurisë ‘Burg pa afat’ për Pjetër Pjetrin i cili pak ditë më parë vrau bashkëfshatarin e tij Mhill Pali në fshatin ‘Fushë Cukal’ në Bashkinë e Vaut të Dejës.
Seanca gjyqësore u zhvillua pa praninë e medieve dhe 50 vjeçari si në komisariat ashtu edhe para togave të zeza ka pranuar krimin.
Pjeter Pjetri u dërgua në burgun e Shën Kollit ku do të qëndrojë deri në përmbyllje të shqyrtimit të cështjes së tij dhe dënimit përfundimtar nga drejtësia për plagosje me dashje me pasoje vdekjen dhe armëmbajtje pa leje.
Pak ditë më parë Pjetri vrau bashkëfshatarin ndërsa dyshohet se shkak ishte një kanal vaditës.
