Arrestohet i shpalluri në kërkim për vrasjen e ndodhur në 29 prill në Vlorë, ku gjeti vdekjen si pasojë e goditjeve me sende të forta 60-vjeçari Bujar Mehmetaj.
Nga ana e uniformave blu, pasditen e djeshme u vu në pranga Jurgen Leci, 25 vjeç, banues në Vlorë.
Ndalimi i tij u bë pasi Gjykata e Vlorës ka vendosur ndaj tij masën e sigurisë “Arrest në burg”, për veprën penale “Vrasje me dashje”.
Leci akuzohet se në zonën e quajtur “Pusi i Mezinit”, Vlorë, pranë një karburanti, dyshohet se pas një konflikti për motive të dobëta, ka goditur me sende të forta fqinjin e tij 60-vjeçar, i cili si pasojë humbi jetën në spital.
Dyshohet se Leci e ka goditur me shkop bejsbolli në kokë Mehmetaj, çka ka bërë që ti shkaktojë vdekjen. Gjithçka pas debateve të nisura pasi në shtëpinë e Mehmetaj po vendoseshin kamera sigurie.
Por objektivi i tyre shtrihej në të dyja shtëpitë, çka ka bërë që të nxehen gjakrat, duke përfunduar në përleshje me pasojë vdekjen e Mehmetaj.
g.kosovari
