Kryeministri Edi Rama, i ftuar në emisonin e mëngjesit në “ABCNews” me Enkel Demin, ka komentuar edhe raportin për lirinë e mediave.
Në fjalën e tij, Rama tha se në Shqipëri media është e lirë që të thotë çfarë të dojë. Ndërsa kur u pyet lidhur me një emër konkret, kreu i qeverisë nuk pranoi që të veçonte gazetarët apo mediat që sipas tij shpifin.
PJESË NGA BISEDA:
Edi Rama: Nuk bëhet fjalë për fasadë. Përsa i përket lirisë së medias besoj që Shqipëria ka lirinë më të madhe të shpifjes në planet.
Enkel Demi: Mund të më jepni një rast konkret
Edi Rama: Flas për median në tërësi. Është hapësirë e madhe, ka gjëra me vlerë po edhe shpifje. Kalojnë pa asnjë filtër. Pa asnjë faktim.
Enkel Demi: Pak a shumë si videoja e Spanjës
Edi Rama: Ishte lapsus
Enkel Demi: Pse për ju është lapsus dhe për ne është shpifje?
Edi Rama: Unë kërkova falje. Raportin nuk e kam parë, por në Shqipëri mund të thuash gjithçka por edhe shpifje.
Enkel Demi: Ju e thoni shpesh por kur ju kërkoj një emër konkret
Edi Rama: Gazetarët dhe mediat nuk janë të gjithë njësoj. Edhe pse rrapi është rrap por ka lloj-lloj formash. Në Shqipëri askush nuk pengohet të thuhet
Enkel Demi: Mos e thoni më në përgjithësi sepse Edi Rama është Rama nuk është Nard Ndoka.
Edi Rama: Unë e nisa në përgjithësi sepse edhe raporti flet për përgjithësi.
g.kosovari
