Një prej të dyshuarve për vrasjen e ndodhur në Sarandë, kishte arritur që të arratisej drejt Italisë. 10 ditë pas vrasjes së 32-vjeçarit Edmond Theodhori më 10 korrik, policia italiane arriti të arrestonte shtetasin në kërkim.
Policia italiane arrestoi sot në banesën e tij, Gani Hysën, 46 vjeç, i cili akuzohet se është përfshirë në vrasjen e 32-vjeçarit. Ekzekutimi ndodhi pas një konflikti banal, ku viktima i bëri kompliment vajzës që ndodhej me 46-vjeçarin dhe me një grup të afërmish në Sarandë.
Hysa dyshohet se, pas ngjarjes në Sarandë është larguar ilegalisht në Greqi dhe prej andej ka udhëtuar drejt Italisë. Tashmë pritet që 46-vjeçari të ekstradohet në Shqipëri, ku do të përballet në gjykatë me akuzën e vrasjen së 32-vjeçarit.
Të arrestuarit janë Enkelejd Hysa, 25 vjeç dhe banues në Laç, Ylli Reçi, 23 vjeç dhe banues në Gjorm, Krujë, Ajman Zyba, 21 vjeç dhe banues në Laç.
