Policia e Sarandës e ka fokusuar hetimin rreth ekzekutimit të 53-vjeçari, Agron Xhezairi te hakmarrja, nisur nga fakti që ai është i ati i një personi të kërkuar për vrasje. Paraditen e sotme, policia bën me dije se ka shoqëruar së paku 6 persona në Komisariatin e Sarandës për vrasjen e Agron Xhezairit. Të shoqëruar janë edhe familjarë të Aleksandër Bardhit, vrarë pak kohë më parë në Sarandë, e për të cilin është shpallur në kërkim djali i viktimës së mbrëmshme.
Burime për “panorama” bëjnë me dije se në Sarandë kanë mberritur forcat e FNSH-së, të cilat jane nisur drejt fshatit Shendelli per te kryer kontrolle. Sipas grupit hetimor, autorët e vrasjes kanë qëlluar nga rrethimi i shtëpisë fqinje e cila aktualisht është e pabanuar. Banesa e viktimës, ndodhet në një zonë të veçuar të Ksamilit, ndaj autorët e kanë pasur të lehtë shënjestrën. Xhezairi është babai i 20 vjeçarit të shpallur në kërkim Albi Xhezairi, i akuzuar për vrasjen e Aleksandër Bardhit në fshatin Shëndelli, ngjarje e ndodhur më 25 shtator.
ma.me
