Ngjarje e frikshme shokon banorët në Veternik të Serbisë dhe jo vetëm. Një djalë i ri ka masakruar deri në vdekje vajzën e tij katërmuajshe dhe bashkëshorten që i solli fëmijën në jetë.
Krimi ka ndodhur në orët e para të ditës së djeshme në banesën e familjes Sabo në rrugën e Kninit.
Autor i dyshuar i masakrës është djali 29-vjeçar Arpad Sabo banues në Veternik të Serbisë, raporton noa.al duke cituar burime zyrtare nga policia e Novisadit.
Hetimi nxori se i riu kishte shkuar në shtëpi gjatë natës dhe në rrethana ende të paqarta, ka rrëmbyer një thikë dhe me të ka copëtuar me goditje të pareshtura të shoqen 24-vjeçare dhe menjëherë më pas i është sulur dhe bebes katërmuajshe Nikolina duke i marrë jetën frikshëm edhe asaj.
Pak pas krimit, i riu me origjinë nga Lipari, është zhdukur. Policia serbe tha sot se u arrestua pasi kishte qëndruar 23 orë i fshehur në zonën e Backa Palanka pranë kryeqytetit të ish-krahinës autonome të Vojvodinës, Novisad.
Banorët thanë se Arpad ishte i njohur më parë si një person problematik, i prirur për konsum të tepruar alkooli. /noa.al/a.k
Në fotot e mëposhtme, banesa ku ndodhi ngjarja:
