Prokuroria e apelit Vlorë kërkon uljen e dënimit për autorët e ngjarjes makabre ndodhur në një lokal të lagjes 24 maji. Bëhet fjalw pwr vrasjen e trefishtë, regjistruar në datë 7 prill të vitit 2015 në qytetin e Vlorës, ku mbetën të vrarë me armë zjarri shtetasit Feridian Velaj 28 vjec, Haki Rakipi 27 vjec dhe Albi Limaj 28 vjec.
Sot është zhvilluar seanca e radhës, pas tetë seancave të dështuara për shkaqe të ndryshme, kryesisht mungesa e palëve mbrojtëse gjatë sëancës gjyqësore. Tre personat e akuzuar për vrasje kanë marrë dënimet nga gjykata e faktit Vlorë dhe pikërisht Shtetasi Aleksandër Llanaj me burgim të përjetshëm, ndërsa Bertil Allia dhe Ani Begaj me nga 35 vjet burg.
Ndërkohë që dy të fundit mbeten ende të shpallur në kërkim nga policia. Prokurori i çështjes në gjykatën e Apelit Vlorë, Pelivan Malaj dha pretencen, duke kërkuar ulje të vendimit të gjykatës Vlorë për tre autorët e ngjarjes makabër, duke e justifikuar gjithcka me masën e gjykimit të shkurtuar që bie ndesh me vendimin e gjykatës së Faktit Vlorë.
Konkretisht për tre autorët e ngjarjes Apeli ka kërkuar për shtetasin Alfred Llanaj i denuar me burgim të përjetshëm ulje e denimit në 25 vjet burg, ndërsa për dy shtetatsit e tjerë, autorë të ngjarjes Berti Allia dhe Ani Begaj të dënuar me 35 vjet burg, uljen e dënimit në 15 vjet burg. Kjo ka qënë kërkesa e prokurorisë,duke mos u bazuar në asnjë rrethanë tjeter lehtësuese për autorët.
ma.me
