Udhëtimi i Donald Trump nga SHBA drejt Zvicrës për të marrë pjesë në Forumin Ekonomik Botëror në Davos, pësoi një vonesë të shkurtër, pasi avioni i tij, Air Force One, u detyrua të kthehej në Uashington për shkak të një “problemi të vogël elektrik” të konstatuar pak pas ngritjes.
Kjo bëri që Presidenti amerikan të nisej me një avion alternativ të Forcave Ajrore të SHBA-së. Avioni presidencial, i njohur tradicionalisht si Air Force One kur në bord ndodhet presidenti, u ul për arsye sigurie në Joint Base Andreës, në shtetin e Maryland-it, sipas njoftimit të Shtëpisë së Bardhë.
Trump më pas ndërroi avion, duke hipur në një Boeing C-32, i cili zakonisht përdor një tjetër emërtim: Air Force Tëo.
Por çfarë do të thotë Air Force Tëo? Ky emërtim nuk është një model avioni, por një emërtim për komunikimet në radio që përdoret në kontrollin e trafikut ajror, njësoj si Air Force One.
Air Force Tëo është emërtimi i përdorur për çdo avion të Forcave Ajrore të Shteteve të Bashkuara që transporton zëvendëspresidentin e SHBA-së, por jo presidentin. Me fjalë të tjera, çdo avion ushtarak amerikan që ka në bord zëvendëspresidentin quhet Air Force Tëo për kohëzgjatjen e fluturimit. Ky emërtim përdoret gjithashtu edhe kur në bord ndodhen Zonja e Parë, anëtarë të qeverisë apo të Kongresit. Forcat Ajrore amerikane disponojnë katër avionë C-32.
Në praktikë, siç ndodhi edhe të mërkurën, avioni më i lidhur me Air Force Tëo është pikërisht Boeing C-32, një version ushtarak i modifikuar i Boeing 757, i pajisur me kabinë me sisteme të avancuara komunikimi, hapësirë për stafin dhe vende për gazetarët. Ai është përdorur më herët për fluturime zyrtare të zëvendëspresidentit në mbarë botën.
