Policia e Tiranës njoftoi ditën e sotme se hetimet për vdekjen e 81-vjeçarit Xhemal Meta, kanë marrë një kthesë tjetër.
Dyshohet se i moshuari, i cili u gjet i pajetë në oborrin e banesës së tij në Zall-Bastar dy ditë më parë është vrarë me sende të forta.
Policia ka shoqëruar 20 persona të cilët do të pyeten lidhur me ngjarjen.
Meta jetonte i vetëm në Zall-Bastar ndërsa familja jeton në Tiranë.
“Nga tërësia e veprimeve hetimore paraprake si dhe ekzaminimit mjeko-ligjor ka rezultuar se shtetasi Xh.M, ka dëmtime në pjesën e pasme të kokës, të dyshuara të shkaktuara nga goditje me sende të forta.
Paraprakisht, në lidhje me këtë ngjarje nga ana e DVP Tiranë, janë referuar materialet në Prokurori, për veprën penale “Vrasje me dashje” parashikuar nga neni 76 i kodit penal.
Vijon puna nën drejtimin e Prokurorisë, për dokumentimin e plotë ligjor dhe për përcaktimin rrethanave konkrete të ngjarjes dhe shkaqeve të humbjes se jetës së shtetasit Xh.M”, njoftoi policia më herët.
