Avokati Arbër Hoxha ka deklaruar në “Tirana Live” se për mënyra e ekzekutimit të Kristian Markut, në autostradën Vlorë-Fier, dhe humbja e gjurmëve ka pasur një organizim në detaj.
“Është një rast i organizuar. Kemi të bëjmë me një organizim në detaje nga mënyra e ekzekutimit. E kemi thënë disa herë dhe është rasti ku mund ta përsërisim, ku në Shqipëri drejtësia e munguar, drejtësia penale, ndonjëherë dhe e korruptuar patjetër prodhon ngjarje të tilla, sepse autorët kur nuk marrin atë që dëshirojnë nga drejtësia, shkojnë në kushtet e gjakmarrjes. Këto kushte ndodhin ngjarje të tilla kaq të rënda. Është një sagë, shpresoj të jetë e fundit kjo vrasje”, tha ai.
Hoxha theksoi se raste të tilla ngjarjes për t’i zbardhur janë të vështira, por jo të pamundura.
“Në raste të tilla, janë raste ku autorët e veprës penale, marrin masa deri në detaje, që kanë të bëjnë me mënyrë e ekzekutimit dhe me mënyrën e fshehjes së gjurmëve. Do të thotë që sa here merren masa për të gjetur automjetin apo armët me të cilat është kryer krimi, është shumë e vështirë që të dokumentohet përpara gjykatës. Është e vështirë, por jo e pamundur. Kërkohet një punë e mirë gjyqësore. Unë besoj që nuk është më tepër punë mundësie, por punë vullneti”, u shpreh avokati.
