Gjykata ka caktuar masën e sigurisë “arrest me burg” për 4 personat e ndaluar lidhur me vrasjen e shtetasit Devi Kasmi, ngjarje e ndodhur 1 javë më parë në Tiranë. Sot në gjykatë ka dhënë dëshmi edhe babai i njërit prej të arrestuarve, shtetasit Elton Halipajt, personi që akuzohet se siguroi mjetet për vrasjen e Devi Kasmit.
Hyda Halipaj, nënkryetari i shoqatës së pensionistëve, tha se pak kohë më parë i kishte siguruar të birit një punë si kopshtar pranë njërës prej minibashkive në kryeqytet por se e kishte refuzuar.
“Më tha që nuk dua ta bëj atë punë, se kam gjetur një tjetër”,- tregoi i moshuari./a.m.
