Turqia thërriti sot ambasadorin e Iranit në Ankara për të protestuar kundër lajmeve të publikuara nga media pranë qeverisë së Teheranit, që e lidhin ekzekutimin e imamit të njohur shiit, Nimr al Nimr, në Arabinë Saudite, me vizitën e presidentit turk, Recep Tayyip Erdogan në Riad, që u zhvillua pak ditë përpara kësaj ngjarjeje, thuhet në një komunikatë të Ministrisë së Jashtme turke.
“Turqia dënon ashpër deklaratat që akuzojnë presidentin dhe kërkon që këto lloj lajmesh të ndërpriten”, thuhet në këtë komunikatë.
Arabia Saudite dhe Irani kanë ndërprerë marrëdhëniet diplomatike dhe ndodhen në një situatë të tensionuar pas ekzekutimit të liderit fetar shiit Al-Nimr nga ana e autoriteteve saudite.
