Ali Saqr al-Qasem ka qëlluar nënën e tij, Lena, 45-vjeçare, me një pushkë në kokë duke e akuzuar për “braktisje”.
Aktivistët e grupit “Raqqa po e thyen heshtjen” tha se xhihadisti 20-vjeçar e qëlloi nënën e vet para një turme të madhe njerëzish.
Lena al-Qasem u akuzua për “braktisje” – një krim që zakonisht nënkupton “braktisjen e fesë”, por që në praktikë është përdorur nga ISIS-i si një justifikim për vrasjet e atyre që nuk e mbështesin ose flasin kundër kësaj organizate terroriste, sipas The Independent.
Akuza e saktë kundër znj.al-Qasem ishte “se nxiste djalin e saj të linte Shtetin Islamik dhe të iknin së bashku nga Raqqa”, siç njoftoi Observatori Sirian për të Drejtat e Njeriut.
Xhihadisti kishte vënë në dijeni eprorët e tij, për nënën e tij, të cilët më pas vendosën vdekjen e saj dhe urdhëruan që ai të ishte njeri prej vrasësve.
“Observatori” tha se qindra njerëz dolën për të parë ekzekutimin e znj. Al-Qasem, përcjell The Independent.
Nuk dihet pse djalit të saj iu dha detyra të vrasës nënën e vet, por ekzekutimi ndodhi para zyrës së Postës së Raqqa ku zonja kishte punuar.
