Detaje të reja janë zbuluar në lidhje me vrasjen e Hekuran Billës në Komunën e Parisit.
Adjola Lakra, e cila sipas hetuesve është karremi që çoi para autorëve të vrasjes Billën, ka qenë personi i fundit me të cilin ka folur viktima.
Mësohet se në momentin kur Billa u ekzekutua, ka qenë duke folur me 26-vjeçaren, ndërkohë që telefonata ka qenë e hapur edhe pas ekzekutimit të 40-vjeçarit.
Ky fakt ka bërë që hetuesit të mbanin në vëzhgim 26-vjeçaren.
Pamjet e kamerave të sigurisë të siguruara nga hetuesit, kanë kapur momentin kur Lakra dhe Mali shkojnë të dorëzojnë një makinë me qira, e cila u përdor për të mbajtur në vëzhgim viktimën.
Adjola Lakra u arrestua një ditë më parë nga policia, teksa ka pranuar se është paguar nga Viktor Marku, vëllai i Prel Markut që Billa vrau në Angli në 2006, për t’i dhënë informacione mbi vendodhjen e tij, por theksoi se nuk kishte dijeni që do e vrisnin.
Adjola Lakra në të vërtetë ishte e dashura e Sebastian Malit, nipit të Viktor Markut. Por e shtyrë nga Mali dhe e joshur nga paratë që iu ofruan, Lakra ka marrë përsipër të afrohet me Hekuran Billën dhe të krijojë një lidhje intime me të, dhe duke krijuar kështu një trekëndësh bashkëpunimi. 26-vjeçarja para grupit hetimor ka deklaruar se tek Sebastian Mali ka raportuar për çdo lëvizje të Hekuran Billës.
Në total, pas arrestimit të Lakrës, e çon në 3 numri personave që u janë vënë pranga. Pas hekurave qëndron Viktor Marku, si autori kryesor i dyshuar edhe Sebastjan Mali, nipi i Prel Markut, i cili ka vëzhguar lëvizjet e Billës dhe ka njoftuar autorët për të kryer ekzekutimin.
g.kosovari
