Vrasja e ish-deputetit Azem Hajdari vijon të jetë ende e pa zbardhur. Të shumtë kanë qenë ata, të cilët kanë reaguar për këtë ngjarje, duke sjellë dhe ndarë me audiencën versionin e tyre. Por, teksa sot mbushen 22 vjet nga vrasja e ish-liderit të dhjetorit, kjo ngjarje vijon të jetë ende në qendër të vëmendjes në Shqipëri.
Gjatë një prononcimi për gazetën “SOT”, zv/ministri i Mbrojtjes, Petro Koçi shperru bindjen se vrasja e ish-deputeti Azem Hajdarit i shërbente Partisë Demokratike dhe liderit të saj, Sali Berisha. Sipas zotit Koçi, vrasje e Azem Hajdarit ishte paralajmëruar edhe nga gazeta “Rilindja Demokratike”.
“Vrasja e Azem Hajdarit e tronditi rendë situatën politike, e cila sapo po dilte nga trauma dramatike e ’97-së. PD kishte paralajmëruar gjendje lufte në ditët që i paraprinë vrasjes. Po të lexosh gazetën “Rilindja Demokratike” të datave 8, 9, 10, 11 dhe 12 shtator e kupton që PD-së i duhej kjo vrasje. Kjo është një rrethanë që nuk është marrë kurrë parasysh nga drejtësia. Berisha vrapoi të fajësonte Fatos Nanon. Dhe ky vrap nuk është marrë në konsideratë. Ndërsa tani kemi deponimet publike të ish-bodiguardit të Sali Berishës. Nuk ka me justifikime për të mos e hapur çështjen. Hapja e mundshme e kësaj çështjeje është një nga motivet që ndërsyen Sali Berishën kundër reformës në drejtësi. Për mua vrasja e Azemit ishte edhe larje hesapesh brenda PD”, deklaroi zv/ministri i Mbrojtjes, Petro Koçi.
g.kosovari
