Pas vrasjes një ditë më parë të gjyqtarit Astrit Kalaja në sallën e gjyqit, Gjykata e Apelit në Tiranë, ditën e sotme më 7 tetor, ka valëvitur në gjysmë-shtizë flamurin kombëtar.
Siç bën me dije gazetarja e Klan News Glidona Daci, sot mbahen vetëm seanca për masat e sigurisë, që kanë afate dhe kalojnë afatet, pasi proceset gjyqësore janë pezulluar.
Sot, ceremonia mortore e gjyqtarit është private. Ndërsa, pritet që gjyqtari Astrit Kalaja të përcillet nesër për në banesën e fundit me ceremoni shtetërore te Pallati i Kongreseve.
Ndërsa, më pas trupi i tij do prehet në Shkodër.
