Bashkë me hetimet e policisë për vrasjen e 42-vjeçarit Devi (Dëfrim) Kasmi zbulohen edhe detaje të reja. Duke iu referuar burimeve nga policia, “BalkanWeb” njofton se vrasësi kishte rreth 1 javë që ishte në ndjekje të viktimës.
Nga pamjet filmike të sekuestruara të objekteve pranë palestrës në pronësi të Devi Kasmit, janë parë të qarkullojnë dy persona me motor. Po kështu mësohet se Kasmi ishte në dijeni që ndiqej dhe ndaj bënte lëvizje të kufizuara dhe lëvizte i armatosur.
Policia ka personin e parë të dyshuar si të përfshirë në vrasje. Bëhet fjalë për 25-vjeçarin Mario Meshini, i cili është ndaluar mbrëmjen e djeshme dhe në procesverbalin e OPGJ thuhet se akuzohet për vrasje me paramendim dhe armëmbajtje pa leje. Por avokati i tij mohoi akuzën, duke thënë se Meshini dhe Kasmi ishin miq prej kohësh dhe se ai ka qenë i pranishëm në vendin e ngjarjes.
a.ç
