Deputeti i PD, Oerd Bylykbashi ka folur për Ora News në lidhje me reformën zgjedhore. Ai tha se opozita nuk do të tërhiqet nga qëndrimi për votimin elektronik.
“PD e ka prioritet absolut teknologjinë në zgjedhje. Teknologjia është instrumenti më i rëndësishëm që do bënte transparente blerjen e votës. PS kërkon të ruaje status quonë për të përdorur kriminelet që të blejë zgjedhjet. PD nuk do e toleroje heqjen nga priroteti i votimit elektronik“, deklaroi Bylykbashi
Bylykbashi tha se sistemi zgjedhor është në tryezën e Komisionit duke theksuar se do koordinojë qëndrimin me të gjitha aleatët e saj dhe LSI.
“T’i japim zgjidhje shitblerjes së votave pasi pa zgjidhur këtë çdo sistem dështon. Edhe ndërkombëtarët po e mbështesin votimin elektronik“, deklaroi Bylykbashi
Në një intervistë për Top-Channel, socialisti Bledi Çuçi deklaroi se PD është tërhequr nga votimi elektronik
a.ç
