Denis Shtraza, një prej të dyshuarve kryesorë për rrëmbimin dhe më pas vrasjen e Gazmend Çollakut në fillimjanarin e këtij viti në qytetin e Durrësit, vijon të qëndrojë në qeli, deri në përfundim të hetimeve të prokurorisë. Gjatë seancës së sotme gjyqësore, Gjykata e Shkallës së Parë për Krime të Rënda ka pranuar pjesërisht kërkesën e avokatit mbrojtës të Shtrazës, i cili kundërshton zgjatjen e afatit hetimor me 2 muaj. Gjykata vendosi që afati hetimor të zgjatet me 1 muaj e 15 ditë.
Avokati i Denis Shtrazës, Alban Qafa e bazoi kundërshtimin e tij në faktin se kanë kaluar mbi 9 muaj nga hetimet dhe sipas tij, organi i akuzës e ka patur kohën e nevojshme për kryerjen e veprimeve hetimore. Gjykata e Krimeve të Rënda caktoi masën e sigurisë “arrest me burg” ndaj Denis Shtrazës, i cili për rrëmbimin dhe më pas vrasjen e Gazmend Çollakut.
Përveç Shtrazës, në kërkim është shpallur edhe ish-oficeri i policisë, Ervin Dalipaj. Nga hetimet deri më tani rezulton se Dalipaj është ndodhur në shoqërinë e Shtrazës natën e krimit. Prokuroria dyshon se marrja peng dhe ekzekutimi i Gazmend Çollakut, ka lidhje me vrasjen e dy të rinjve, Ervin Kodra dhe Endri Çaushaj, në Durrës, në dhjetor 2015.
ma.me
