Policia e Shkodrës doli me njoftim zyrtar lidhur me vrasjen e Endri Mustafës, 32-vjeçarit për të cilin familja kishte denoncuar zhdukjen e tij pak ditë më parë.
Në një njoftim zyrtar, bëhet me dije se trupi i pajetë i tij u gjet këtë të hënë, rreth orës 9:00, në bregun e liqenit, në livadhe, në lagjen Guerile.
Sipas bluve, i riu dyshohet të jetë vrarë me armë zjarri.
“Në lidhje me ngjarjen është ngritur një grup i posaçëm hetimor dhe nën drejtimin e Prokurorisë së Rrethit Gjyqësor Shkodër po punohet për zbardhjen e rrethanave të ngjarjes, identifikimin dhe kapjen e autorit/ëve”, thuhet në njoftimin e policisë.
Shkodër/Informacion paraprak
Më datë 17.05.2021, në orën 09:00, në bregun e liqenit, në livadhe, në lagjen Guerile, Shkodër është gjetur i pajetë shtetasi Endri Mustafa, 32 vjeç, dyshohet i vrarë me armë zjarri.
Në lidhje me ngjarjen është ngritur një grup i posaçëm hetimor dhe nën drejtimin e Prokurorisë së Rrethit Gjyqësor Shkodër po punohet për zbardhjen e rrethanave të ngjarjes, identifikimin dhe kapjen e autorit/ëve.
g.kosovari
